سازی کؤکله

شئه‌لي اياقین قوي قورو توپراقـــــــــلارين اوسده


تر اللريني چك ســـــاري ياپراقـــــــــلارين اوسده

گل گوللـــو دؤنون گيگـــينن اي ياز، سازي كوكله

چال اوینــــــــاسین آغ آت يئنه ديرناقلارين اوسده

دولدور یاغـــیش ایله بولــــودون آغ اتگـــــين سن

دولدور ياغــــا داغدان گلن ايرمــــــاق‌لارين اوسده

نيلوفر آچيب باغرينــــــي سســـلير ياري گلسين

قيچ قویمـــــایا اؤردك نئجه باتــــلاق‌لارين اوسده؟

گؤرســــون دئگینن بارلي بولوت تشتــــيني اندير

سيخ - سيخ سولو يايليقــلاري یایلاقلارین اوسده

باخ گور نئجه نرگـــيز چيچگـــــه ايچديرير عشقين

بير بارداق آليبدير يئنه بارماقــــــــــــــلارين اوسده

گل- گل گؤزل آي قونچــا گولوم آرزوسين آلسين

شئه مینجیغی دوشسون یئنه یاپراقلارین اوسده