شقایق قان قوسور

گوردوم اغیاریله   باهم یاریمی      قان آغلادیم

آشکاردا آغلادیم        خلوتده     پنهان آغلادیم

آغلادیم بلبل کیمین گوردوم شقایق قان قوسور

یایدا یازدا آغلادیم     اولدی زمستان    آغلادیم

اولمادی بیر لحظه  گولسون لبلریم   آتمئش بهار

طویدا گیزلین آغلادیم     ماتمده    عریان آغلادیم

ایسده دیم شعری  یادیمنان چیخادام  غم قورتارا

گولدی باغلی دفتریم    اولدی پشیمان  آغلادیم

باده ایچدیم      بلکه کئفلنمک      چاتا  فریادیما

ساقی آشدی زولفونی  گوردوم  پریشان آغلادیم

چالدی مطرب سازینی    مشاطه لر   ال وئردیلار

مه لقا رامشگری اوپدوم      هراسان      آغلادیم

جهل مردابیندا   ارزان    کورپو قورموشدون( وجی)

کورپو چایدان آیری دوشدی  گولدی نادان آغلادیم