یوسف حسین زاده - نه لازئمدیرمنه

ای گوزل سن سیز جهاندا جان نه لازیم دیر منه

من کی دردین سئومیشم درمان نه لازیم دیر منه

سانکی تیر غمزه وی جاندان خریدار اولموشام

قانیمی توکسون اگر افغان نه لازیم دیر منه

ای بویون قربانی گل قورتار بو محنتدن منی

سن سیز ای روح روان سامان نه لازیم دیز منه

من کی روحوم اوز قویوب بتخانه لر سمتین گزیر

قوی دئسینلر کافرم برهان نه لازیم دیر منه

وئرمیشم عقل درایت آلمیشام دیوانه لیک

پند واعظ نئیلرم ایمان نه لازیم دیر منه

حجتیم آشفته لیک ویرانه لر دور مسکنیم

گر ملامت اهلییم دیوان نه لازیم دیر منه

باش قویوم من هانسی تورپاق اوسده ممکون اولماسین

قیبله م اولسایدین رخ جانان نه لازیم دیر منه

فایدا وئرمز (یوسفا) ظاهرده انسان اولماقون

باطنین آخدارمییان انسان نه لازیم دیر منه