میهن ذوالفقاریان- پروین سؤزی

پروین سوزی گوی وسمه کیمین بوستانا بنزر

او دادی رطب سوزلری نخلستانا بنزر

هر تیکه کلامی ادب و گول چیچک اولدی

گلزار ارم ده نجه گور ریحانا بنزر

هر ذره سوزی اولدی یاقین در یمانی

شهد سخنی بالدی کلامی شانا بنزر

بس مبحث تحقیقی یازیب دفتره گویچک

هم مسلک اولوبدور جانیما دای جانا بنزر

جیران کیمی دیر باغ گولوستان هنرده

مشتاقینی صید ائتمه گیچین جیرانا بنزر

هم حکمتی وارسوزلری نین شهدی شکر تک

او حق و حقیقتلی سوزی قرانا بنزر

(میهن) نقدر سولیسن قیمتین آزدیر

عاجیزدی سوزون علم و هنرده کانا بنزر