شهریار
بویوک شهریارین اولومونه
غیاث لطفی :
ادیبان و سخنورلر ائدیب بیر بیرسفر گئتدی
قویوب هجرانلارین دائم اورکلرده اثر گئتدی
قالیب پروانه لرآواره. اولموش شمعلر خاموش
باتیبدیر ماتمه ائللر بوگون صاحب نظر گئتدی
تماما ایرانین اهلی ائلیلر ضجه وشیون
که گویا شهر تبریزدن بویوک اهل هنر گئتدی
چیخاق هیهات ماتمنن دئیللر شهریار اولدی
هما تک باغ عرفاندان آچوبدور بال پر گئتدی
بیزیم داغلار یتیم اولدی گییب حیدر بابا قاره
چیچکلر سولدی آچماز گول او داغلاردان ثمر گئتدی
گییردی ال یاشیل
داغلار دومان گلمیش گئییب قاره
عجب بیر گونلری ایمیش یوخدور ایمکان بار وبرگئتدی
عزیزان اهل علم ایچره بو بیر اعظم موصیبت دور
ائدیبدور اهل ایرانی عموما دیده تر گئتدی
علی المرتضی نین عاشقی دونیانی ترک ائتدی
یاتوب توپراقلارآلتدا عاشق شوریده سر گئتدی
یاز الان دفتره «لطفی» دئنن ای ایهاالحضار
گلننر قبرینین اوسده اولوبلار دیده تر گئتدی
سید نجم الدین دانیالی:
به مناسبت گرامیداشت 27 شهریور روز شعر وادب و سالروز وفات شاعر بزرگ سید محمد حسین بهجت تبریزی استاد شهریار
قوللوق اوسته قوللوق قالار [2]
1- آرازئدئم هر بیر گؤلدن داشئیدئم
قاباغئمدا اولان سددن آشئیدئم
من بوغدییا همده گوله چاشئیدئم
آمما شاهلار دئدی منه سن لال اول
نجابتـــیم دئدی گینه سن بال اول
2- گول سونبوللر بیـــتیرئیدیم وطنه
چورَک سویی گتـــیرئیدیم وطنه
ساغلئقلاری یئتــــیرئیدیم وطنه
آمما ظالم دئدی منه سن لال اول
اوره ک دئدی گؤزللیغه سن خال اول
3- اوجالدئدئم گؤیـــلره من بوخاری
چوخالدئیدئم وئرگیــــلری چئخاری
یئند یرئیدیم یاغئــش تکین سئخاری
آمما حاکم دئدی منه سن لال اول
صبریم دئدی رستم گله سن زال اول
4- وئردئلار چوخ صدمه لری بارئما
دئد یلر چوخ یامانلاری قارئما
گوندردیلر آفت دَیه نارئما
من نن چورَک یه ِییب منی دویدیلر
دانئشاندا لال اول دئییب سویدیلر
5- بیر سکچه ده گر سو اولسا سو چئخار
گر اولسا سوت یقیین بیل کی بو چئخار
بال اولسا گر دورو بَره او چئخار
آمان آللاه بیزه یامان دئدیلر
آمما بیزدن شیرین بالی یئدیلر
6- تا کی اولدی اللی یئددی انقلاب
دیل ظولومون یئردن گوتدی انقلاب
دیل یازئسئن آزاد ائتدی انقلاب
گرک کی بیز آزادلئقی ساخلییاق
تکرار یولون هر بیر ظولمه باغلییاق
7- بیر بولدوزر دیل یوللارئن صاف ائـــــتدی
سرو آغاجی بوتون ایراندا بیـــــــــــتدی
ائل دیلینده آزادلئغــــــئنا یئـــــــــــتدی
بو ایشیچین کولگه سالار شهرییار
قوللوق اوسته قوللوق قالار شهرییار
8- ایندی دئیــئِر آراز سوزون اوز دیـلی
اوره ک سؤزون معنی ائدر سئل یئـلی
یازی یازر اوز دیلیـــنده هر ائــلی
شهرییار کی بئجرددی گول شعیرده
گول بار وئرئر بیزیم دئیش دئیرده
9- اؤ قوللوق کی بهجت شعیره یایـــدی
خدمتلری ایرانــنییا چون آیــــدی
میللت اؤنون قدرین تقویمده سایـــدی
عؤؤلن گونون قؤیــــدی میللت بو آددا
شعر و ادب فارسی گونی قال یاددا